23 nov. 2018

25 DE NOVEMBRO: TODOS CONTRA A VIOLENCIA DE XÉNERO

Hoxe celebramos no cole o día contra a violencia de xénero.
Lembrades a maleta violeta de igualdade? Pois levamos uns días traballando cos libros e elaborando uns carteis chulisimos; pero, ademáis, un deses libros foi escollido polos rapaces de sexto para lelo hoxe na biblio: "O país dos mandóns".
A continuación, os maiores do cole tamén lle puxeron voz a un manifesto contra a violencia de xénero.







13 nov. 2018

QUE É PARA TI A BIBLIOTECA?

A biblioteca do cole é un espazo aberto a todos, multidisciplinar e multisensorial onde poderás vivir aventuras, adentrarte en mundos de fantasía, deixar voar a túa imaxinación, convertirte en dragón, rá, pantasma...,atopar intres de concentración e calma, sentir emocións, ampliar coñecementos...Eso e moitas cousas máis é a nosa biblioteca. E para ti...que é unha biblioteca?
Anímate e deixa a túa mensaxe no taboleiro! E, de paso, mira...mira!!! Xa temos un montón de mensaxes!!!









6 nov. 2018

FORMACIÓN DE USUARIOS E FUTUROS COLABORADORES

O venres pasado os rapaces de quinto e sexto asistiron a unha sesión de formación para usuarios da biblioteca e para poder ser colaboradores da biblioteca.
Deixámosvos unhas fotiños e pronto vos ensinaremos a foto de grupo dos nosos colaboradores para este curso.








A MALETA VIOLETA

Chegou ao cole unha misteriosa maleta violeta e estabamos desexando saber o que había dentro....
Así que non tardamos en abrir para desvelar o segredo e....tachaaaan!!! Estaba cheíña de libros chulísimos para tratar o tema da igualdade!!!
Agora temos todo o material exposto na biblio para que todos o podamos ollar e, en breve, empezaremos a traballar nas clases con estos libros.
Xa veredes que cousas tan chulas facemos!!!








30 oct. 2018

AQUÍ ESTÁN OS NOSOS LIBROS!

O venres pasado foi o gran día, xuntámonos todos na biblioteca e fixemos a presentación das nosas creacións ante o resto de compañeiros do cole.
Ímosvos deixar unhas fotos dese momento e tamén dos nosos libros para que vexades os artistaz@s que somos!














24 oct. 2018

24 DE OUTUBRO: DÍA DA BIBLIOTECA


Hoxe celebramos no cole o día da biblioteca, e pensando, pensando...ocorréusenos que non había mellor forma de celebralo que creando os nosos propios libros relacionados co noso proxecto deste ano: os oficios tradicionais.
Cada dous cursos escollemos un oficio e durante varios días estivemos investigando para facer unha recopilación de cantigas, ditos, adiviñas...relacionadas co noso oficio. Con todo ese material recopilado, hoxe todo o cole ao mesmo tempo se puxo mans á obra para montar os libros. Quedaron chulísimos! Querédelos ver? Pois estade moi atentos ao blogue!
De momento deixámosvos aquí unhas fotos do proceso...