Biblioteca CEIP O Salvador

Día Escolar pola Paz - 2012

2012-01-27T01:16:00.000-08:00

O Día Escolar pola Paz e Non Violencia celébrase nas escolas de todo o mundo, o 30 de xaneiro coincidindo co aniversario da morte de Mahatma Gandhi. O seu obxectivo é promover unha educación permanente para a concordia, a tolerancia, a solidariedade, o respecto aos dereitos humanos, a non violencia e a paz.

A mensaxe básica deste día é: "Amor universal, Non-violencia e Paz. O Amor universal é mellor que o egoísmo, a Non-violencia é mellor que a violencia e a Paz é mellor que a guerra".

As bibliotecas escolares acostuman difundir listados de libros e outros materiais que poden apoiar ao profesorado no tratamento de contidos propios da cultura da Paz, tan necesaria. No portal das Bibliotecas Escolares de Galicia temos algúns exemplos de iniciativas levadas a cabo por outros centros educativos.

BO NADAL A TOD@S!

2011-12-20T01:16:00.001-08:00

Lecturas recomendadas para o nadal

2011-12-20T01:06:00.000-08:00

Larapeto de tea

2011-12-19T03:46:00.000-08:00

Dende comezos deste ano a biblioteca do centro conta cunha mascota chamada "Larapeto" que foi debuxada pola alumna Laura Iglesias López. O seu lema, escrito nos brazos, é "Un mundo por ler".

A partir desta semana a biblioteca conta tamén con esta mascota feita con tea por tres mestras do centro: Mª Jesús Valiño Rivas, Mónica Anllo Eiras e Ana Isabel Trigo Castedo.

Proceso de confección.

Larapeto cas mestras que o confeccionaron.

Visita de Primitivo Marcos

2011-12-12T03:37:00.000-08:00

O pasado luns, 5 de decembro,

Primitivo Marcos Ferreiro visitou o CEIP O Salvador para realizar co alumnado diferentes actividades sobre a banda deseñada.

Educación Infantil - "O nacemento dun pitiño"

Educación Primaria (1º ciclo) - A composición de banda deseñada

Educación Primaria (2º e 3º ciclo) - Proceso de realización da banda deseñada

Benvid@s!

2011-11-22T00:46:00.000-08:00

Neste novo curso 2011/2012, a biblioteca do CEIP O Salvador abre as súas portas invitando ó alumnado a ver un documental e unha serie, adaptados a cada grupo de idade.

PLANETA TIERRA: MUNDO DE HIELO PRIMEIRA PARTE.

MÉRCORES 2 DE NOVEMBRO: QUINTO

XOVES 3 DE NOVEMBRO: CUARTO

VENRES 4 DE NOVEMBRO: SEXTO

MARTES 8 DE NOVEMBRO: TERCEIRO

MINÚSCULO: LA VIDA PRIVADA DE LOS INSECTOS.

CAPÍTULO 1: LA MARIQUITA BURLONA

CAPÍTULO 2: CATAPULTA

CAPÍTULO 3: LA BATALLA DEL ESCARABAJO PELOTERO

LUNS 7 DE NOVEMBRO: PRIMEIRO E SEGUNDO

LETRAS GALEGAS 2011 - LOIS PEREIRO

2011-05-06T04:42:00.000-07:00

Este ano adícaselle o día das Letras Galegas ao poeta monfortino Lois Pereiro.

Dende o CEIP Outeiro das Penas de Cesantes propoñen unha serie de recursos para traballar o día das Letras Galegas. Podedes velos na seguinte ligazón: recursos letras galegas

Se queredes saber máis sobre Lois Pereiro, nas seguintes ligazóns tedes diversas actividades didácticas adicadas a este autor.

Seminario-Galán (E.I.). - 1º ciclo - 2º ciclo - 2º ciclo - Ceip Condesa de Fenosa - Econenos - CEE Terra de Ferrol - CEP Dr Fleming

Exposición Lois Pereiro

2011-05-05T20:00:00.000-07:00

Cuestionario preguntas Lois Pereiro

2011-05-05T19:00:00.000-07:00

O Plan B do CPI dos Dices

2011-05-05T13:08:00.000-07:00

Presentación da mascota da biblioteca

2011-02-11T07:58:00.000-08:00

A espera mereceu a pena. A nosa biblioteca xa conta ca súa mascota. Se observades os seus brazos podredes apreciar o seu lema, "Un mundo por ler". Agora só fáltanos buscarlle un nome apropiado, tarefa na que pedimos a colaboración de todos vós. Esperamos que vos guste.

Webquest Os Camiños de Santiago

2010-05-26T18:00:00.000-07:00

Xa vos anticipáramos que subiríamos en breve unha nova webquest dende o Grupo de Traballo "Un mundo por ler". Pois, dito e feito. Podedes acceder a ela na seguinte ligazón.

Webquest Os Camiños de Santiago

Para a súa realización están dispoñibles uns caderniños que podedes descargar nas seguintes ligazóns:

DIFERENTES RUTAS DO CAMIÑO.

CAMIÑO FRANCÉS EN GALICIA.

O CAMIÑO FRANCÉS NA PENÍNSULA

Webquest Viaxe ata o pasado polo Camiño de Santiago

2010-05-24T17:56:00.000-07:00

Dende o grupo de traballo "Un mundo por ler" estamos a deseñar varias webquests dentro do proxecto interdisciplinar "O Camiño de Santiago". A continuación vos deixamos unha delas. En breve subiremos algunha máis.

Viaxe ata o pasado polo Camiño de Santiago

Biblio. JClic

2010-05-20T17:50:00.000-07:00

Dende o grupo de taballo "Un mundo por ler" traémosvos unha nova aplicación en JClic para mellorar a formación de usuarios de bibliotecas escolares.

O Camiño de Santiago

2010-05-17T00:00:00.001-07:00

O grupo de traballo "Un mundo por ler" deseñou unha nova actividade en power point sobre o Camiño de Santiago.Velaiquí a mostra en formato flash.

Se queredes tamén tedes a opción de descargala en formato ppt: descarga eiquí

Unidade didáctica sobre O Camiño de Santiago.

2010-05-07T10:13:00.000-07:00

Xa vos temos falado do traballo que estamos a desenvolver no grupo de traballo "Un mundo por ler". Un dos últimos traballos que fixemos son estas unidades didácticas sobre o Camiño de Santiago dirixida aos alumnos de 1º e 2º ciclo de Educación Primaria. Con este traballo pretendemos co alumnado utilice a biblioteca coma un gran centro de recursos.

Unidade didáctica O camiño de Santiago 1º Ciclo

Unidade didáctica O camiño de Santiago 2º Ciclo

Tríptico biblioteca

2010-03-06T17:25:00.000-08:00

Dende o grupo de traballo "Un mundo por ler" deseñamos este tríptico co que difundir os servizos ofertados pola nosa biblioteca co que de paso tamén pretendemos incidir na formación de usuarios de bibliotecas escolares.

Descargar documento en formato PDF

Biblio.clic

2010-03-06T15:27:00.000-08:00

Dende o Grupo de Traballo "Un mundo por ler" estamos a traballar na dinamización da nosa biblioteca que en breve agardamos volva a abrir as súas portas e ademáis con importantes novidades.

Polo momento deixámosvos unha aplicación en JClic coa que traballar a formación de usuarios de bibliotecas escolares. O obxectivo deste programa é afondar no concepto de biblioteca escolar, aprender conductas axeitadas nela, familiarizarse coa CDU (Clasificación Decimal Universal) así como identificar as partes dun libro.

Máis adiante publicaremos outra aplicación tamén en JClic que siga a tratar aspectos relacionados coa nosa biblioteca.

Se queredes probar esta aplicación non tedes máis que premer na imaxe.

Margarita C.D.U.

2010-02-15T14:53:00.000-08:00

Este sistema divide todos os coñecementos en 10 grupos. Cada grupo subdividese noutros 10, estes en outros 10, e así sucesivamente.

0. DICCIONARIOS/OBRAS XERAIS (Marrón)

01 Bibliografías. Catálogos
02 Bibliotecas e documentación
03 Enciclopedias e diccionarios xenerais
05 Anuarios. Directorios

1. PENSAR, IMAXINAR/FILOSOFÍA (Azul claro)

14 Sistemas filosóficos
15 Psicoloxía
16 Lógxca. Epistemoloxía
17 Moral. Ética. Filosofía práctica

2. REZAR/RELIXIÓN (Vermello)

22 a Biblia
23 Cristianismo
28 Sectas
29 Outras relixións. Mitoloxía

3.VIVIR XUNTOS/CIENCIAS SOCIAIS (Laranxa)

31 Demografía. Estadística. Socioloxía. Medios de Comunicación.
32 Política
33 Economía
34 Dereito
35 Administración pública. Goberno.
36 Servicios Sociais. ONGs
37 Educación. Ensinanza. Tempo Libre.
38 Turismo. Comercio
39 Folclore. Usos e costumes. Vida social

4. Baleira (Negro)

5. NATUREZA/CIENCIAS EXACTAS E NATURAIS ( Verde)

50 Medio ambente. Ecoloxía
51 Matemáticas
52 Astronomía. Investigación espacial
53 Física
54 Química
55 Ciencias da terra. Xeología. Meteoroloxía
56 Paleontoloxía. Fósiles
57 Bioloxía
58 Botánica
59 Zooloxía

6. CURAR, FABRICAR/CIENCIAS APLICADAS ( Azul oscuro)

60 Inventos e descubrimentos
61 Menciña. Saúde
62 Tecnoloxía. Inxeniería
63 Agricultura. Gandería
64 Economía doméstica. Alimentación. Vestido. Decoración
65 Empresa. Transporte
66 Industrias químicas
67 Industrias, comercios e oficios diversos
68 Informática
69 Construcción

7. CREAR, DIVERTIRSE/ ARTE, MÚSICA, XOGOS, DEPORTES, ESPECTÁCULOS (Rosa)

71 Urbanismo
72 Arquitectura
73 Artes plásticas. Escultura
74 Debuxo. Manualidades. Artesanía
75 Pintura
76 Artes gráficas. Grabado
77 Fotografía
78 Música
79 Diversións. Espectáculos. Xogos. Deportes

8. LER HISTORIAS, FALAR/ LINGÜÍSTICA. LITERATURA (Amarelo)

80 Lingua
82/89 Literatura
A Libros ilustrados o álbumes
C Conto
N Novela
P Poesía
T Teatro
TBO Banda Deseñada

9.PAÍSES, PERSONAS CÉLEBRES, O PASADO/XEOGRAFÍA. BIOGRAFÍAS.
HISTORIA (Branco)

90 Prehistoria. Arqueoloxía
91 Xeografía. Exploración de terras e países. Viaxes.
92 Biografía
93 Historia universal
94 Historia da Idade Media, moderna e contemporánea

Fuente consultada: http://www.juntadeandalucia.es/averroes

Buscar rexistros en Rebeca

2010-02-14T15:18:00.000-08:00

Se no proceso de catalogación dos fondos, o programa Meiga non atopase o exemplar que buscamos no Depósito do Proxecto Meiga, podemos recorrer a importar rexistros bibliográficos desde o catálogo en liña da web de REBECA ou desde Catálogos das Bibliotecas Públicas.

Pasos que debemos seguir:

No caso do exemplo, REBECA ofrécenos varios resultados. Eliximos o que corresponda ao libro que estamos buscando.

Picamos co rato directamente no título e aparécenos a seguinte pantalla na que premeremos no botón de "descargar registro" e abrirásenos unha ventana preguntándonos onde queremos gardar o arquivo e lle indicamos co garde na seguinte ruta: C:\Archivos de programa\Proxecto Meiga\2709. Unha vez feito esto saíra a ventana de “Importar datos en formato 2709” e a continuación prememos en importar e xa teremos automáticamente todos os campos cubertos do noso rexistro.

C.D.U. ( Clasificación Decimal Universal)

2010-02-14T14:44:00.000-08:00

A organización de todos os documentos da Biblioteca faise mediante Clasificación Decimal Universal (CDU), que divide todo o coñecemento en dez grandes campos. Esta clasificación ordena os libros por materias. A cada materia correspóndenlle varios números ou letras.

A CDU chámase decimal porque as cifras usadas para catalogar os libros considéranse como decimales, non como números enteiros. Cada decimal, á súa vez, pode subdividirse nun novo número decimal, sen que a orde dos números se altere.

Google libros

2010-02-07T12:06:00.000-08:00

O servizo 'Google libros' naceu en decembro de 2003 co obxectivo de permitir que os usuarios localizasen vía web información contida tamén dentro dos libros impresos. Por iso, Google comezou a escanear miles de obras, tanto con copyright como sen el (por exemplo, porque son libros publicados fai moitos anos, cuxos dereitos de autor expiraron).

Destes últimos (de dominio público), Google ofrece os contidos completos, e podemos localizalos seleccionando a opción "libros enteiros" na procura avanzada, engadindo ademais algunha restrición temporal.

Estes contidos completos viñan ofrecendo, páxina por páxina, dentro de imaxes nas páxinas web. Pero agora podemos descargarnos a información completa en formato PDF. de moitos deles.

Gerónimo Stilton

2010-02-06T15:11:00.000-08:00

Xa contamos na nosa biblioteca coa colección completa das aventuras de Gerónimo Stilton.

Trátase dunha serie de libros dirixidos a nenos de 9 a 12 anos. Esta colección narra as aventuras, historias e misterios dun rato chamado Gerónimo Stilton que traballa de escritor e director dun xornal titulado "O Eco do Roedor". Vive nunha illa ficticia denominada Illa dos Ratos, cuxa capital é Ratonia, onde naceu Gerónimo e onde vive. Stilton é un bibliófilo e melómano amante da música clásica e da tranquilidade,aínda que as súas aventuras son sempre axitadas.

Stilton ten unha gran familia, algúns dos seus parentes son Trampita, o seu curmán; Tea, a súa irmá ; o seu sobriño Benjamín e Torcuatro, o seu avó. Algúns amigos de Geronimo stilton son: son Metomentodo Quesoso, un amigo de Geronimo Stilton desde a gardería ata a actualidade que traballa como detective e investigador privado, Lánguida e Hiena.

Na seguinte ligazón podedes acceder á páxina web do clube de Gerónimo Stilton.

http://www.clubgeronimostilton.es

La biblioteca escolar. Un espacio para leer, escribir y aprender

2010-02-05T07:54:00.000-08:00

A Dirección Xeral de Educación de Navarra ten publicado un libro de Mariano Coroas no que podemos atopar reflexións sobre a lectura e o papel que a biblioteca escolar pode exercer na creación de hábitos lectores así coma o desenvolvemento de numerosas actividades culturais organizadas desde a biblioteca escolar.

Descargar documento